রাউজান নিউজ

অভাই শুরু হইয়্যে ভ্রম্যমান আদালতর অভিযান ঃ ভেজাল, জিনিষ নবেইছু ! ওজনত কম ন দিও।

মীর আসলাম(রাউজাননিউজ)ঃ

ভেজাল, জিনিষ নবেইছু ! ওজনত কম ন দিও। বেয়াগ হাট বাজারত ভ্রম্যমান আদালত যার। উপজেলাতুন তালিকা হইয়ি। সাবধান হই যওগই। অভাই ধরা পড়িলি জেল নইলি জরিমানা। প্রত্যুদিন চলিব অভিযান। বেইজ্যুত হইবার আগে ছাড়ি দাও দুই নব্বরী ব্যবসা। রোজাত মাইশরে লাভল লাই ভেজাল, নষ্ট খানা নখাবাইও। ওজন কম নদিও। অজুহাত দেখাই বেশি লাভ নগজ্যু। রোজাত এই অভিযান চালু রাইবু নিয়্যাত গইয্যি আঁরার টিএনও সাব।

প্রত্যাক হাট বাজারত এই অভিযান চলাইবু। ধরা হাইলে খবর আছে। জেলঅত পাঠাইবো। নইলে জরিমানা গবির। আগেতুন ভালা হই জওগো। বুধবার নোয়াপাড়া পথর হাডত আশট দোয়ানত জরিপানা গরি গেইয়্যি। ৩৬ আজার টেয়া। আবার আইবু। অভিযান চলিব ঔষধুর দোয়ানত, খানার দোয়ানত, কুরার দোয়ানত, করঅর দোয়ানত। মোট কথা বেয়াগ দোয়ানত। ছাড়ি দাওগই দুনব্বারী ব্যবসা। রমজানত মাইশরে নটগাইও।